Kiyevdə işıq, istilik, su və kommunikasiyanın tamamilə kəsilməsi ssenarisi istisna edilmir. Buna görə də, kiyevlilər təchizat hazırlamalı və müvəqqəti olaraq paytaxtdan kənara necə köçmək barədə düşünməlidirlər.
PLATFORM4.NEWS xəbər verir ki, Kiyev meri Vitali Kliçko Milli Telemarafonun efirində bildirib ki, belə bir fürsət varsa, ən yaxşısı şəhərdən kənardakı qohumların yanına getməkdir.
Merin sözlərinə görə, şəhər rəhbərliyi bunun baş verməməsi üçün hər şeyi edir. Amma hadisələrin inkişafı üçün müxtəlif ssenarilər hesablayır ki, şəhər bunlara qarşı hazır ola bilsin.
“Gəlin səmimi olaq: düşmənlərimiz hər şeyi edir ki, şəhər istiliksiz, işıqsız, susuz qalsın, ümumiyyətlə, hamımız ölək. Ölkənin gələcəyi və hər birimizin gələcəyi buna nə qədər hazır olmağımızdan asılıdır”, – deyə o qeyd edib.
Kliçko məsləhət görüb ki, evdə içməli və sənaye suyu, doldurulmuş batareyalar, bəzi ərzaq ehtiyatları və isti paltarlar olsun. Eləcədə arzu olunandır ki, şəhərdən kənarda su, soba, istilik olan qohumlar, tanışlar varsa, müvəqqəti olaraq onların yanına gedib vəziyyət sabitləşənə qədər orada bir az vaxt keçirə bilərsiniz deyə əlavə edib.
“Biz açıq şəkildə müxtəlif ssenarilərdən və hətta hazır olmanız lazım olan ən pis ssenaridən danışırıq. Belə bir ssenarinin baş verməməsi üçün əlimizdən gələni edəcəyik. Amma biz 100% təminat verə bilmərik, ona görə də müxtəlif vəziyyətləri simulyasiya edirik və hər birimiz buna hazır olmalıyıq”, – deyə o bildirib.
